Անցած գիշեր Մոսկվայում 11 մեքենա է այրվել

Ինչպես հաղորդում է «РИА Новости» գործակալությունը, անցած գիշերվա ընթացքում Մոսկվայում 11 մեքենա է այրվել, որոնք գտնվել են քաղաքի տարբեր հատվածներում։ Այրվել են տարբեր մակնիշների ավտոմեքենաներ՝ հիմնականում մարդատար։

Ոստիկանության տվյալներով, որոշ դեպքերում չի բացառվում նաև կանխամտածված հրկիզման վարկածը։ Ոստիկաններն ու հրշեջ ծառայության փորձագետները կատարում են հետազոտություն։

Հիշեցնենք, որ նույն «РИА Новости» գործակալության հոկտեմբերի 7-ի հաղորդմամբ այդ գիշեր Մոսկվայում գրանցվել էր ավտոմեքենաների այրման 7 դեպք։