Ապստամբները փոխանակել են սիրիական բանակի գեներալին մի քանի բանտարկյալների հետ

Սիրիայի իշխանությունների և ապստամբների միջև տեղի է ունեցել գերիների փոխանակում, որի արդյունքում ազատ է արձակվել նախորդ շաբաթ ապստամբների կողմից պատանդ վերցված բանակի գեներալը։

Զինված ընդդիմության ներկայացուցիչները գերի են վերցրել գեներալ Նաիմ Հալիլ Օդեին նախորդ շաբաթ Դամասկոսի արվարձաններից մեկում։

«Նաիմ Հալիլ Օդեն ազատ է արձակվել՝ փոխանակվելով մի քանի գերիների և 14 դիակների դիմաց», – գործակալությանը հեռախոսով հայտնել է ընդդիմության աղբյուրը։

Սիրիայում ավելի քան մեկ տարի է չեն դադարում հակակառավարական բողոքները, որոնք վերածվել են զինված ընդհարումների։ Ամեն օր տեղեկատվություն է ստացվում մարդկային զոհերի վերաբերյալ՝ ինչպես խաղաղ բնակչության, այնպես էլ իրավապահների շրջանում։ ՄԱԿ–ի տվյալների համաձայն՝ զոհերի ընդհանուր թիվը գերազանցում է 8 հազարը։ Սիրիական իշխանությունները հայտնում են, որ զինված ընդդիմադիրների հետ բախման արդյունքում զոհվել է ավելի քան 2 հազար զինծառայող և Սիրիայի իրավապահ մարմինների աշխատակից, որոնց դեմ գործում են լավ զինված գրոհայիններ, հայտնում է «Ռիա նովոստի» գործակալությունը։