Եթե Իրանը ցանկանար ատոմային ռումբ ստեղծել, ապա դրա մասին կհայտարարեր և չէր վախենա ոչ մեկից. Ահմադինեջադ

Եթե Իրանը ցանկանում է ատոմային ռումբ ստեղծել, ապա «այդ մասին կհայտարարի, քանի որ ոչնչից չի վախենում»։ Այս մասին նախօրեին գերմանական պարբերականներից մեկին տված հարցազրույցում ասել է Իրանի նախագահ Մահմուդ Ահմադինեժադը։

«Եվ եթե մենք ասում ենք, որ մենք ատոմային ռումբ ստեղծելու մտադրություն չունենք, ուրեմն դա ճիշտ է։ Մենք կողմ ենք բոլոր չափանիշներին և հարգում ենք օրենքը», - ասել է նա՝ ավելացնելով, որ նա ատոմային զենքը համարում է «անմարդկային և անբարոյական», - հաղորդում է Итар-Тасс–ը։

Պատասխանելով այն հարցին, թե Թեհրանը հնարավո՞ր է զիջումների գնա միջուկային ծրագրի հարցում, Ահմադինեժադն անդրադարձել է այն երկրներին, որոնք, նրա կարծիքով շահարկում են այս թեման։ «Իրանը միշտ էլ ձգտել է նվազեցնել լարվածությունը կամ հասնել դրա վերացմանը», – ասել է Իրանի նախագահը։

Մարտի 6–ին ԵՄ Արտաքին հարաբերությունների հանձնաժողովի ղեկավար Քեթրին Էշթոնը «5+1» խմբի անունից հայտարարել էր   Իրանի հետ բանակցությունները շարունակելու պատրաստակամության մասին, որպեսզի «միջազգային հանրության ուշադրությունը բևեռի Իրանի միջուկային ծրագրի վրա»։