Սիրիայի հարցով ՄԱԿ-ի բանագնացը կոչ է արել Հալեպում «սառեցնել պայքարը»
Մերձավոր Արևելք
Սիրիայի հարցով ՄԱԿ-ի հատուկ բանագնաց Ստեֆան դե Միստուրան նշել է, որ առաջին հերթին պետք է կենտրոնացնել ջանքերը Հալեպ քաղաքի վրա՝ կոչ անելով «սառեցնել պայքարը» քաղաքական գործընթաց սկսելուց առաջ: Ինչպես հաղորդում է «Արմենպրես»-ը՝ վկայակոչելով արաբական լրատվամիջոցները, Փարիզում ՅՈւՆԵՍԿՕ-ի սեմինարի ժամանակ դե Միսուրան նշել է, որ Հալեպն այն քաղաք է, որ տուժել է բոլորից շատ, սակայն հնարավոր է, որ այն դառնա հույսի աղբյուր: ՄԱԿ-ի բանագնացի խոսքով՝ նախ պետք է փորձել Սիրիայի ամենամեծ քաղաքում թուլացնել բռնությունները:
Նա նաև նշել է, որ իր նախաձեռնությունն ամբողջովին տարբերվում է համաձայնությունից, որը տեղի է ունեցել մայիսին Հոմսում կրակի դադարեցման վերաբերյալ:
Հալեպը համարվում է սիրիական միակ քաղաքը, որի կեսը գտնվում է կառավարական ուժերի, մյուս մասը՝ ընդդիմադիրների վերահսկողության տակ: Հալեպում բախումները սկսվել են 2012 թ. ամռանը, ինչի հետևանքով հազարավոր մարդիկ են զոհվել և վիրավորվել:
Սիրիական հակամարտության մոտ 4 տարվա ընթացքում բախումների զոհ է դարձել 200 հազարից ավելի մարդ:
ՈՒՂԻՂ ԵԹԵՐ
Ամենադիտված 
Եկեղեցու դեմ արշավին միացած մոլի նիկոլականը, պարզվում է. Ռոսիա մոլի աշխատակից է
