ԱՄՆ–ն անելու է ամեն ինչ՝ Իրանում լրատվության ազատությունն ապահովելու համար. Օբամա
Իրան
ԱՄՆ նախագահ Բարաք Օբաման հայտարարել է, որ ԱՄՆ–ն մտադիր է սերտացնել հարաբերություններն Իրանի շարքային քաղաքացիների հետ՝ այդ երկրում լրատվության և համացանցի ազատությունն ապահովելու ճանապարհով։
«Այստեղ՝ ԱՄՆ–ում, ամերիկյան ծագմամբ իրանցիները մեծ ներդրում ունեն ամերիկյան մշակույթի մեջ. այս տարի իրանական «Նադերի և Սիմինի բաժանումը» ֆիլմն արժանացել է ամերիկյան կինոարտադրության բարձրագույն մրցանակին «Օսկար»–ին՝ լավագույն արտասահմանյան ֆիլմ անվանակարգում։ Մեր ռազմածովային ուժերը պայքարում են ծովահենների դեմ, իսկ ամերիկյան նավաստիները նույնիսկ գերությունից ազատում են Իրանի քաղաքացիների։ Բայց նրանք այժմ զրկված են հաղորդակցության հնարավորությունից»,- ասել է Օբաման Նովրուզի կապակցությամբ:
ԱՄՆ նախագահը հիշեցրել է, որ իրանական իշխանությունները նախկինի նման արգելափակում են որոշ արբանյակային հեռուստաալիքներ և ռադիոկայաններ: Օբաման հավելել է, որ ամերիկացիները ցանկանում են երկխոսության մեջ մտնել, հասկանալ իրանցիների տեսակետները, սպասումները և այդ նպատակով ԱՄՆ-ն Իրանում ստեղծել է վիրտուալ դեսպանատուն, սկսել է Twitter, Facebook, Google+ սոցիալական կայքերը թարգմանել պարսկերեն:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
