Թուրքիայում վախի մթնոլորտ է. Օրհան Փամուք
Թուրքիա
Նոբելյան մրցանակակիր (2006 թ.) թուրք գրող Օրհան Փամուքը հայտարարել է, որ Թուրքիայում վախի մթնոլորտ է ստեղծվել: Ինչպես հաղորդում է «Արմենպրես»-ը, Փամուքը թուրքական «Հուրիեթ»-ի հետ զրույցում ասել է. «Թուրքիայում ամենավատ բանը վախն է: Բոլոր մարդիկ վախենում են: Սա նորմալ չէ… Խոսքի ազատությունը Թուրքիայում իջել է ամենացածր մակարդակի»:
Գրողը թուրքական կառավարությանը մեղադրել է մամուլի վրա ճնշում գործադրելու, հատկապես, ընդդիմադիր լրագրողներին նեղելու մեջ: «Ես ընկեր-բարեկամներիցս լսում եմ, որ այժմ ճնշման տակ են անգամ կառավարությանը մոտ կանգնած շատ լրագրողներ ևս»,- ասել է նա:
Օրհան Փամուքը Հայոց ցեղասպանությունը ճանաչած թուրք մտավորականներից է: Եվրոպական թերթերից մեկին տված հարցազրույցում' «1915 թվականին մեկ միլիոնից ավելի հայեր և մեծ թվով քրդեր են սպանվել» արտահայտության համար Օրհան Փամուքը վտարվել է Թուրքիայից:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
