Մեզ պետք է հզոր Ռուսաստան, այլ ոչ թե «մեծ իրարանցում». Վ. Պուտին

  Երեկ Ռուսաստանի վարչապետ Վլադիմիր Պուտինը Russia Today լրատվականին տված հարցազրուցում ասել է, որ Ռուսաստանի քաղաքական համակարգը պետք է ենթարկվի փոփոխությունների: Սակայն ընդգծել է, որ ցանկացած փոփոխություն պետք է լինի «էվոլյուցիոն» ճանապարհով, որպեսզի 90–ականների սխալները չկրկնվեն։

Մասնավորապես նա ասել է. «Կասկած չկա, որ փոփոխություններն անհրաժեշտ են, եւ դրանք պետք է տեղի ունենան, բայց դա լինելու է էվոլյուցիոն ճանապարհով: Մեզ պետք չէ մեծ իրարանցում, մեզ պետք է հզոր Ռուսաստան»։

Նա նշել է, որ քաղաքական կուրսի կանխատեսելիությունը եւ քաղաքական կայունությունը, ոչ պակաս կարևոր է, քան մակրոտնտեսական կայունությունը։

Նա նաև անդրադարձել է նախկին ֆինանսների նախարար Ալեքսեյ Կուդրինի պաշտոնանկությանը՝ ասելով, որ Կուդրինը մնում է իրենց թիմի անդամ և ինքը, ինչպես նաև Դմիտրի Մեդվեդևը շարունակելու են աշխատել նրա հետ։

Պուտինը նաև նշել է, որ Ռուսաստանը չի պատրաստվում անդամակցել ՆԱՏՕ-ին և Եվրոպական միությանը։