ԲՀԿ ցուցակը կազմվել է վիճակահանությամբ
Հայկական Մամուլ
«ՉԻ» տեղեկություններով երեկ ուշ երեկոյան հայտնի է դարձել «Բարգավաճ Հայաստան» կուսակցության համամասնական ցուցակի առաջին 20 համարները: Ցուցակի առաջին հնգյակում են՝ Գագիկ Ծառուկյանը, Վարդան Օսկանյանը, Վարդան Վարդանյանը, Գուրգեն Արսենյանը եւ Սամվել Բալասանյանը: Ցուցակի քսանյակում ներկայացված չէ ԲՀԿ խմբակցության ակտիվ պատգամավոր Վարդան Բոստանջյանը, իսկ Արամ Սաֆարյանը զբաղեցնում է 14-րդ հոիզոնակը: Ցուցակից բացակայում է նաեւ «Կենտրոն» հեռուստաընկերության «Ուրվագիծ» հաղորդաշարի հեղինակ եւ վարող Պետրոս Ղազարյանի անունը: Փոխարենը ցուցակում է հայտնվել Մշակույթի նախկին նախարար Թամարա Պողոսյանը, ինչպես նաեւ տարբեր կուսակցություններ փոխած երիտասարդներ' ոչ այնքան մաքուր քաղաքական անցյալով:
«ՉԻ» տեղեկություններով երեկ երեկոյան ԲՀԿ առաջնորդ Գագիկ Ծառուկյանի մասնակցությամբ կուսակցությունում տեղի է ունեցել վիճակահանություն, եւ կուսակցականները ցուցակում են հայտնվել՝ իրենց հանած թվերի համապատասխանությամբ: Իհարկե, խոսքը առաջին տասնյակի մասին չէ:
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
