«Եդինայա Ռոսիյա» կուսակցությունը ցանկանում է ներգաղթողներին ռուսերեն սովորեցնել

Ռուսաստանում աշխատող միգրանտների պարտադիր ռուսաց լեզվի իմացության մասին օրինագիծը ներկայացվել է «Եդինայա Ռոսիյա» կուսակցության Պետդումայի պատգամավորներին: ՌԴ պետդումայի խոսնակ Բորիս Գրիզլովը «Ինտերֆակս»–ին տված հարցազրույցում հայտնել է, որ օրինագիծն ուղարկվել է Պետդումայի համապատասխան հանձնաժողով։

«Միգրանտների կողմից ռուսաց լեզվի պարտադիր իմացությունը ոչ միայն պարտավորություն է, այլ նաև միգրանտի համար իր իրավունքները հնարավոր խախտման դեպքում լուրջ պաշտպանություն միջոց»,- այս մասին Պետդումայի խոսնակը գրել է Twitter-ի իր էջում։ «Եդինայա Ռոսիյա» կուսակցության պատգամավորներն այս օրինագծի օգտին պատրաստվում են քվեարկել մինչև նոյեմբերի վերջ։ Օրինագիծը կազմվել է դումայի պատգամավորներ՝ Օլեգ Մորոզովի, Վլադիմիր Պլիգինի, Գրիգորի Բալիխինի և Նիկոլայ Բուլաևի նախաձեռնությամբ։ Ըստ Ռուսաստանի դաշնային միգրացիոն ծառայության տվյալների՝ Ռուսաստանում գտնվող միգրանտների գրեթե 30%-ը չի տիրապետում ռուսերենին։