ԵՄ-ն սառեցնում է Սիրիայի նախագահի կնոջ և մերձավոր ազգականների բանկային հաշիվները. Telegraph
Մերձավոր Արևելք
Եվրոմիությունը սառեցնում է Սիրիայի նախագահի կնոջ և ազգականների եվրոպական բանկերում պահվող բանկային հաշիվները, հայտնել է Telegraph–ը։
Բանկային ակտիվների սառեցման ԵՄ–ի «սև ցուցակում» հայտնված մարդկանց մուտքն արգելվում է ԵՄ երկրներ։ Եվրոպացի դիվանագետները հայտարարել են, որ Ասմա Ասադին «սև ցուցակում» ընգրկելու մասին որոշումը կընդունվի ուրբաթ օրը՝ Բրյուսելում կայանալիք ԵՄ արտաքին գործերի նախարարների հանդիպման ժամանակ։
Ասմա Ասադի ԵՄ անդամ երկրներից միայն Մեծ Բրիտանիա մուտքը չի արգելվի, քանի որ այդ երկրի քաղաքացիություն ունի։
Ինչպես գրում է բրիտանական պարբերականը, Ասադի կինն Արևմուտքի ուշադրության կենտրոնում հայտնվեց այն բանից հետո, երբ Բաշար Ասադի գաղտնազերծված էլեկտրոնային նամակագրությունից հայտնի դարձավ, որ Ասմա Ասադը սիրում է Եվրոպայում գտնվող խանութներից թանկարժեք իրեր գնել, որոնց վրա հսկայական գումարներ է ծախսում։
Ասմա Ասադը ծնվել և մեծացել է Մեծ Բրիտանիայում՝ Սիրիայից գաղթած մի ընտանիքում։ Սովորել է Լոնդոնի թագավորական համալսարանում և որոշ ժամանակ աշխատել է բանկային համակարգում։ 2000–ին ամուսնանալուց հետո նա թողել է աշխատանքը։
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
