Նամուսը բրիտանացի ռեժիսորի ընթերցմամբ

Երեկ՝ նոյեմբերի 3-ին, «Նարեկացի»-ում թատերական մեծ պրեմիերա էր: Բրիտանացի բեմադրող ռեժիսոր Վերոնիկա Ուիգգի ժամանակակից ընթերցմամբ ու նորովի մեկնաբանությամբ ներկայացվեց «Նամուս. սպիտակ, կարմիր և սև» թատերական նոր ներկայացումը:Ներկայացումը հիմնված է Ալեքսանդր Շիրվանզադեի «Նամուս» պիեսի վրա, որը հեղինակը գրել է 1911 թվականին՝ գրողին հռչակ բերած համանուն վեպի հրատարակումից շուրջ 15 տարի անց: Աճեմյանական բեմադրություններից հետո սա թերևս «Նամուս»-ի առաջին նորօրյա վերընթերցումն է, որն իրականացնելու համար ներգրավվել են հայ, բրիտանացի և մեկ իրանցի դերասաններ, ովքեր իրենց դերերը կատարում են հայերենով: Բեմադրությունն այս կազմով ու ընթերցմամբ առաջին անգամ ներկայացվեց նոյեմբերի 3-ին, ժամը 19:00-ին, «Նարեկացի» արվեստի միության սրահում: