«Չորրորդ ինքնիշխանություն». Մհեր Սեդրակյանը որոշել է օգնել ԲՀԿ-ական թեկնածուին

Գեղարքունիքի մարզի թիվ 23 ընտրատարածքում առաջադրված թեկնածուներից մեկը՝ Կարեն Բոթոյանը, Սերգեյ Մանուկյանի՝ Շինանյութի Սերոժի փեսան է: Մինչ նրան փեսայանալը՝ Կարեն Բոթոյանը եղել է Սերգեյ Մանուկյանի անձնական թիկնապահը: Աղջկա հետ ամուսնանալուց հետո նպատակասլաց երիտասարդը հիմա էլ ձգտում է պատգամավոր դառնալ: Փեսայասեր աներն էլ ոչինչ չի խնայում դրա համար: Թերթի տեղեկություններով, Մանուկյանն անգամ դիմել է ուժային կառույցների որոշ ներկայացուցիչների՝ վերջիններիս խնդրելով քաղաքական հովանավորության տակ վերցնել փեսային, ինքն էլ համապատասխանաբար շռայլորեն «կվարձատրի» նրանց: Ի դեպ՝ Բոթոյանի ընտրատարածքում աոաջադրված ԲՀԿ թեկնածուին, շրջանառվող տեղեկությունների համաձայն, որոշել է օգնել Մհեր Սեդրակյանը՝ Թոխմախի Մհերը: Եվ սա, բնականաբար, դուր չի եկել ուժայիններին, և նրանք փորձել են միջոցներ ձեռնարկել չեզոքացնելու Սեդրակյանի միջամտությունը:

Ի դեպ՝ Շինանյութի Սերգեյը Մհեր Սեդրակյանի հետ տարիներ շարունակ մտերիմ բարեկամի պես է եղել: Նրանց միջև անգամ քավոր-սանիկական հարաբերություններ են եղել, սակայն վերջերս Սեղրակյանը նրա հետ խզել է իր հարաբերաթյունները: Ի դեպ՝ այդ կոնֆլիկտի արդյունքում՝ Սերգեյ Մանուկյանը դիմել է իրավապահներին՝ խնդրելով նրանց «գործ սարքել» Սեդրակյանի դեմ: Սակայն զարգացումներն այլ ընթացք են ստացել: Թե խոսքն ինչի մասին է՝ «ՉԻ»-ն կներկայացնի առաջիկայում: