Պատշգամբը փլուզվել է. կա տուժած

Մարտի 22-ին, ժամը 14.31-ին «1-03» ծառայությունից տեղեկություն է ստացվել, որ փլուզվել է Գյումրիի Ղանդիլյան 10 շենքի 2-րդ բնակարանի պատշգամբը: Դրա հետևանքով նույն բնակարանի բնակչուհի' 1959 թ. ծնված Կարինե Խոջոյանը վայր է ընկել և, ստանալով տարբեր մարմնական վնասվածքներ, տեղափոխվել Գյուլբենկյանի անվան հիվանդանոց: Այդ մասին ասված է ՀՀ ԱԻ նախարարության տարածած մամլո հաղորդագրությունում։ 

Դեպքի վայր է մեկնել Շիրակի մարզային փրկարարական վարչության օպերատիվ խումբը:

Դեռևս չբացահայտված հանգամանքներում մասնակի փլուզվել է նշված բնակարանի պատշգամբի հարթակը: Դեպքի մասին տեղյակ է պահվել Գյումրիի քաղաքապետարանի կոմունալ բաժինը:

Ըստ բժիշկների' տուժածի առողջական վիճակը բավարար է: