Եվրամիության երկրների ԱԳ նախարարները հաստատել են Իրանի նկատմամբ կիրառվող պատժամիջոցների ընդլայնման հարցը

Այսօր Բրյուսելում կայացած նիստի ժամանակ Եվրախորհրդի 27 անդամ երկրների ԱԳ նախարարները հաստատել են Իրանի նկատմամբ կիրառվող պատժամիջոցների ընդլայնման հարցը, հայտնում է РИА Новости–ին։

Մինչ ԵՄ անդամ երկրների ԱԳՆ ղեկավարների հանդիպումը ԶԼՄ–ները հայտնում էին, որ «սև ցուցակը», որում եղած անձանց արգելվում է մուտք գործել Եվրամիության տարածք և որոնց բանկային հաշիվները ԵՄ անդամ երկրներում սառեցվել են, համալրվել է ևս 18 նոր անուններով։ Մինչ այսօրվա հանդիպումը, ԵՄ–ը պատժամիջոցներ էր սահմանել Իրանի 61 քաղաքացու նկատմամբ։

«Այսօր կայացված որոշումը ներառում է կոնկրետ միջոցների ամբողջություն, որը համաձայնեցվել է ԵՄ անդամ երկրների ԱԳՆ ղեկավարների կողմից դեռևս այս տարվա հունվարին, այդ թվում նաև նավթի և նավթամթերքների առևտրի սահմանափակումների, նավթաքիմիական արդյունաբերության և Իրանի Կենտրոնական բանկի ակտիվների սառեցման առումով։