«Չորրորդ ինքնիշխանություն». Գրազի զոհը կամ փնտրվում են ականատեսներ

Մամուլում լուրեր շրջանառվեցին, համաձայն որոնց՝ Սամվել Ալեքսանյանն ասել է թե կարող է գռազ գալ լրագրողների հետ, որ իր դեմ որևէ մեկը թեկնածություն չի առաջադրի Մալաթիա-Սեբաստիա տարածքն ընդգրկող թիվ 7 ընտրատարածքում: Երեկ «Ժառանգություն» կուսակցության առաջնորդ Րաֆֆի Հովհաննսիյանն ասել է, թե իր առաջադրումը այդ տարածքում ըննդեմ ՀԱԿ ներկայացուցիչ Նիկոլ Փաշինյանի նաև այդ գրազով է պայմանավորված: Մեջբերենք Հովհաննսիյանի հայտարարության համապատասխան հատվածը.

«Ես երեկ առավոտ զարթնեցի, մտա համացանց, հայտնի գրազի նախադասությունը կարդացի, ինչպես շատերը՝ այն, որ այլընտրանքի վտանգ կար, և ճիշտն ասած, ուզեղի ինքնաառաջադրվել հենց այնտեղ, որտեղ ռիսկը մեծ է, որտեղ ճակատագրապաշտությունը դարձել է տիեզերական». Թե ի՞նչ է նկատի ունեցել Րաֆֆի Հովհաննիսյանը, դժվար է հասկանալ. նեոլինգվիստական «մշակույթին» Հայաստանում տիրապետում են միայն ՀՀ գլխավոր դատախազությունում:

«ՉԻ»-ն փորձել է պարզել գրազի պատմությունը:

Երեկ մենք զանգահարեցինք Սամվել Ալեքսանյանին և խնդրեցինք նրան հրապարակել այն լրագրողների անունները, որոնք ներկա են եղել «գրազի արարողությանը»: Վերջինս ասաց, որ նման բան չի եղել ու ինքը չի կարող անուններ տալ: Նա ասաց, որ դա «լրագրողների քցած կուտն ա»: «Ես ինչի պտի տենց բան ասեի. ընտրություն ա՝ ով ուզի կարա առաջադրվի: Տենց բան չկա: Սուտ ա». «ՉԻ»-ի հետ զրույցում ասել է Սամվել Ալեքսանյանը: