Հազարավոր մեքսիկացիներ դիմավորել են Հռոմի պապին

 Գուանախատոյի օդանավակայանում հազարավոր կաթոլիկներ դիմավորել են Հռոմի պապ Բենեդիկտոս XVI–ին, որն առաջին անգամ է հովվապետական այցով ժամանել Մեքսիկա, հաղորդում է BBC–ն։

 Նախքան Մեքսիկա ժամանումը Հռոմի պապը դատապարտել է թմրադեղերի առևտուրը, որը հսկայական չափերի է հասել Մեքսիկայում և որը հանգեցրել է  քրեական պատերազմի, հազարավոր մարդկանց կյանք է խլել։ Քահանայապետը մեքսիկացիներին հորդորել է «հաղթել այդ չարիքը և վերջ դնել փողի պաշտամունքին, որը մարդկանց ստրուկներ է դարձնում»։

Մեքսիկայում մոտ 95 միլիոն կաթոլիկներ կան, որոնք Հռոմեական կաթոլիկ եկեղեցու հետևորդներ են, և աշխարհում Բրազիլիայից հետո այդ երկիրը երկրորդն է կաթոլիկական եկեղեցու հետևորդներով։

Մեքսիկա  եռօրյա այցից հետո, Հռոմի պապը կմեկնի Կուբա։