Մեդվեդևն ու Անանը Մոսկվայում կքննարկեն սիրիական ճգնաժամից դուրս գալու ուղիները

Սիրիայի ընդդիմությանն արտաքին ուժերի կողմից հովանավորելուն վերջ դնելու և հակամարտող երկու կողմերին չաջակցելու անհրաժեշտության մասին վաղը կքննարկեն Սիրիայի հարցով ՄԱԿ–ի և Արբական երկրների լիգայի հատուկ բանագնաց Քոֆի Անանը և Ռուսաստանի նախագահ Դմիտրի Մեդվեդևը՝ Մոսկվայում։

Նախատեսվում է, որ Քոֆի Անանը ՌԴ նախագահի հետ հանդիպումից հետո հանդիպում կունենա ՌԴ ԱԳ նախարար Սերգեյ Լավրովի հետ։ «Առաջիկա հանդիպման պատրաստվում ենք ներկայացնել մեր հիմնական մոտեցումը Սիրիայում բռնություններին վերջ տալու հարցում։ Դա դժվար կլինի իրագործել արտաքին ուժերի կողմից ընդդիմությանը զինելու և հովանավորելու պայմաններում», – Interfax–ին հայտնել է ՌԴ նախագահի օգնական Սերգեյ Պրիխոդկոն։

Կրեմլի ներկայացուցիչը նշել է, որ ռուսական կողմը մտադիր է ուշադրություն հրավիրել այն փաստին, որ «Սիրիական ճգնաժամից դուրս գալու վերաբերյալ դժվար թե գտնվի քննարկումների մի ձևաչափ, որն ավելի լավը կլինի «Սիրիայի բարեկամների» համաժողովից, որի երկրորդ հանդիպումը նախատեսված է ապրիլի սկզբին։