«Հայկական հաց» ֆիլմը կներկայացվի ԱՄՆ-ի Տեխաս նահանգի Աուստին քաղաքում կայանալիք Քրիստոնեական կինոփառատոնում

ՀՀ մշակույթի նախարարության աջակցությամբ ռեժիսոր և պրոդյուսեր Արմեն Գասպարյանը «Հայկական հաց» վավերագրական լիամետրաժ ֆիլմը (Հայաստան, ՌԴ, Իտալիա համատեղ արտադրություն, 2010 թ.) 2012 թ. մարտի 31-ին կներկայացնի ԱՄՆ-ի Տեխաս նահանգի Աուստին քաղաքում կայանալիք Քրիստոնեական կինոփառատոնին:

Ա. Գասպարյանի «Հայկական հաց» ֆիլմը 2011 թ. մասնակցելով միջազգային 2 կինոփառատոների՝ արժանացել է 3 մրցանակի:
2011 թ. սեպտեմբերի 6-10-ը ֆիլմը մասնակցել է Բելառուսի Հանրապետությունում կայացած Քրիստոնեական վավերագրական և հեռուստատեսային ծրագրերի «Մագնիֆիկատ» 7-րդ միջազգային կինոփառատոնին և արժանացել է՝ «Ազգային պատմության ցավոտ խնդիրների բացահայտման պրոֆեսիոնալիզմի համար» ժյուրիի մրցանակին, «Եղեռնի ժամանակ հայ քրիստոնյաների արիասիրտ հավատքի մասին խորը կինովկայության համար» Բելառուսահունական կաթոլիկ եկեղեցու առաքելական առաջնորդարանի հատուկ մրցանակին:

Նախարարության աջակցությամբ Ա. Գասպարյանը մասնակցել է նաև Մոսկվայում նոյեմբերի 1-8-ը կայացած «Лучезарный Ангел» միջազգային 8-րդ բարեգործական կինոփառատոնին, որի արդյունքում ֆիլմն ընտրվել է կինոյի և հեռուստածրագրերի «Ռադոնեժ» միջազգային փառատոնի մրցութային ծրագրում (դեկտեմբերի 4-8-ը) և արժանացել «Լավագույն օպերատորական աշխատանք» (օպերատոր՝ Գագիկ Հարությունյան) մրցանակին: