Ծննդյան տարեդարձի տոնը վերածվել է ողբերգության

Այսօր՝ մարտի 24-ին, ԱՄՆ Չարլստոն քաղաքում տեղի ունեցած հրդեհի հետևանքով մահացել է 8 մարդ, այդ թվում՝ 6 երեխա, հայտնել է CNN հեռուստաալիքը։

Տանը եղած մարդկանցից հաջողվել է փրկվել միայն մեկ կնոջ և մեկ երեխայի, որոնք երկուսն էլ տեղափոխվել են հիվանդանոց։ Երեխան գտնվում է վերակենդանացման բաժանմունքում։ Հրդեհի մասին ահազանգել է ողջ մնացած կինը՝ հարևան տանից։

Նախնական տվյալներով՝ այդ տանը նշվել է մեծահասակներից մեկի ծննդյան տարեդարձը։ Հայտնում են նաև, որ հրդեհի հետևանքով մահացածները հնարավոր է՝ բարեկամներ են եղել։ Ենթադրվում է նաև, որ բոլոր երեխաները եղել են 8 տարեկանից ցածր հասակում։