«Հայկական ժամանակ».Շատ բան գիտի

«Հայկական ժամանակի» հաղորդմամբ՝ «ՀՀ պետեկամուտների կոմիտեի նախագահ Գագիկ Խաչատրյանը ոչ շատ մերձավոր շրջապատում հայտարարել է, թե ինքը հրաժարականի դիմում է գրել, սակայն դիմումը չի բավարարվում։ Այդպես է նա արձագանքում իր հրաժարականի մասին լուրերին։

Նկատենք սակայն, որ այս պատմությանն ունկնդիրներից ոչ ոք չի հավատում՝ համարելով որպես «ստրախովկա»։ Այսինքն, եթե այնուամենայնիվ, Սերժ Սարգսյանին հաջողվի պաշտոնանկ անել Գագիկ Խաչատրյանին, ապա կստացվի, որ ոչ թե իրեն են հեռացրել, այլ ինքն է հեռացել։ Կառավարությունում համոզված են, որ Սերժ Սարգսյանի ուժը պարզապես չի հերիքում Խաչատրյանին պաշտոնանկ անելու համար, քանի որ վերջինս տիրապետում է ՀՀ բարձրաստիճան պաշտոնյաների մասին մեծ և ճշգրիտ ինֆորմացիայի և ունի այդ ինֆորմացիան ճիշտ օգտագործելու հնարավորություններ»։