Թուրքիան չի կարող ազատվել այլ երկրներից էներգետիկ կախվածությունից. Էրդողան

Թուրքիան ի վիճակի չէ ազատվել այլ երկրներից էներգետիկ կախվածությունից: Այս մասին, ինչպես հաղորդում է «Արմենպրես»-ը' վկայակոչելով թուրքական «Սաբահ» թերթը, հայտարարել է Թուրքիայի նախագահ Ռեջեփ Թայիփ Էրդողանը:

Նրա խոսքով՝ Թուրքիան նավթի և գազի սահմանափակ բնական պաշարներ ունի:

Էրդողանը նշել է, որ Թուրքիան դառնում է ածխաջրածիններով հարուստ երկրների և դրա կարիքն ունեցող պետությունների միջև կամուրջ, ինչը կարևոր նշանակություն ունի երկրի համար:

Թուրքիայի նախագահը նաև նշել է, որ երկրի տարածքում նավթի որոնողական աշխատանքները, որոնց վրա մեծ հույսեր էին կապվում, արդյունքներ չեն տվել: