Սուքիասյանին չգրանցելու ամենաանշան առիթն անգամ բաց չեն թողնի

Facebook–ի օգտատեր Ռաֆայել Թեյմուրազյանն իր էջում գրել է. «Կարծում եմ՝ Սուքիասյանին չգրանցելու ամենաանշան առիթն անգամ բաց չեն թողնի, որովհետև նա ընտրվելու լուրջ շանս ունի: Ր.Հովհաննիսյանին չգրանցելը (եթե անգամ ենթադրենք, թե հիմքեր ունեն) ձեռնտու չէ իշխանությանը. նախ, աղմուկ կլինի, ստվեր կգցեն «արդար»ընտրության վրա, և երկրորդ՝ ընդդիմության ձայներն են փոշիանում, ինչի՞ պիտի չգրանցեն:

Կարծում եմ, որ Ր.Հովհաննիսյանը հավանաբար կհանի իր թեկնածությունը «բանակցությունների արդյունքում», ինչպես ակնարկել է: Ավելին՝ գտնում եմ, որ հենց այդ «բանակցությունների» համար էլ առաջադրվել է: Նպատակը՞: Նպատակը, ըստ իս, սա է: Նա 2013-ին առաջադրվելու է որպես նախագահի թեկնածու ու ՉԻ ՀԱՆԵԼՈՒ իր թեկնածությունը ոչ մի դեպքում, եթե անգամ ընդդիմության միասնական թեկնածուն լինի Քրիստոսը:

Չհանելը կբացատրվի այնպես, որ էսքան ժամանակ ինքն է զիջել, դե, հիմա էլ պետք է դիմացինը զիջի:
Տխուր է, բայց կարծում եմ, որ այս ընտրատարածքում ո՛չ Նիկոլ Փաշինյանը, ո՛չ էլ, առավելևս, Րաֆֆի Հովհաննիսյանը հաղթելու լուրջ շանսեր չունեն: Նիկոլի առաջադրման պլան մինիմումը, ըստ իս, իշխանության գործը հնարավորինս բարդացնելն ա (դե, պլան մաքսիմումն էլ՝ հաղթելը))), Րաֆֆիի դեպքում՝ պլան մինիմումը զիջող, հանդուրժող ու միասնականության կողմնակից մարդու իմիջի ստեղծումն է, պլան մաքսիմումը՝ նախագահի ընտրության ժամանակ ընդդիմության միասնական թեկնածու դառնալու համար հող նախապատրաստելը:
Ամեն դեպքում, Րաֆֆիի առաջադրումը սակարկելու, կամ ինչպես ինքն է ասում՝ «բանակցությունների» դաշտ է բացել: Իսկ բանակցությունները հաջողության հասնում են փոխզիջումների արդյունքում, այսինքն՝ ինչ-որ բան էլ ՀԱԿ-ը պիտի զիջի: Թեկուզ շատ չնչին բան, բայց պիտի զիջի՝ նրա՝ թեկնածությունը հանելու դիմաց: Հովհաննիսյանի հաշվարկը, ըստ իս, սա է. նա ոչինչ չի կորցնում և շահում է ինչ-որ բան. եթե անգամ քիչ բան, բայց ինչ-որ բան. չեղածից լավ է:

Եթե անգամ ՀԱԿ-ը մազաչափ անգամ զիջման չգնա, Ր.Հովհաննիսյանը, հանելով իր թեկնածությունը, էլի շահում է, որովհետև դա կդիտվի որպես հանուն միասնության, հանուն ընդդիմության ձայները չփոշիացնելու արված քայլ: Իսկ նման բաներ անում են մեծ մարդիկ Ձեռի հետ էլ կխուսափի անփառունակ պարտությունից: Իսկ որ նրա համար անգամ երկրորդ տեղը զբաղեցնելը լուրջ պրոբլեմ կլինի... Արթիկի փորձը ձեզ օրինակ»: