«Սեքսը մեծ քաղաքում» հեռուստանովելի աստղը Շերոն Սթոունից «խլել է» պոռնոաստղի դերը

Այս դերը երազել են ձեռք բերել Հոլիվուդյան աստղերից շատերը: «Լավլեյս» ֆիլմի հեղինակները ստիպված են եղել նոր դերասանուհի փնտրել այդ ֆիլմի գլխավոր հերոսուհուն՝ լրագրող և ֆեմինիստական շարժման ղեկավար Գլորիա Ստայնհեմին, մարմնավորելու համար այն բանից հետո, երբ Դեմի Մուրը հրաժարվել էր նախօրոք ձեռք բերված պայմանավորվածությունների համաձայն խաղալ այն:

Ստեղծագործական խմբի անդամները հիմնականում քննարկում էին երկու հայտնի կինոդերասանուհիների՝ Շերոն Սթոունի և Սառա Ջեսիկա Պարկերի թեկնածությունները: Չնայած որ երկու դերասանուհիներն էլ, իրենց տարիքի հետ համեմատած, բավականին հմայիչ և սեքսուալ տեսք ունեն, այնուամենայնիվ, ֆիլմի հեղինակները կանգ են առել Սառա Ջեսիկա Պարկերի թեկնածության վրա:

Դրա հիմնական պատճառն այն է, որ նախ Սառան բավականին մեծ հաջողություն է ունեցել՝ «Սեքսը մեծ քաղաքում» հեռուստանովելում նկարահանվելով, և երկրորդը՝ նա մարմնավորել է լրագրողի և անկախ կնոջ, ինչն էլ պետք է անի նաև Լինդա Լավլեյսին մարմնավորելիս: Կինոֆիլմի հիմնական գաղափարը Լինդայի և նրա ամուսնու՝ պոռնոռեժիսոր Չակ Թրեյնորի միջև հարաբերությունների հակասական բնույթն է, քանի որ վերջինս ստիպել է իր կնոջը նկարահանվել իր «ֆիլմերում»՝ ի հեճուկս Լինդայի աշխարհայացքի և որդեգրած սկզբունքների: