Հրդեհի հետևանքով մարդ է զոհվել

Մարտի 26-ին, ժամը 05.42-ին ահազանգ է ստացվել, որ Երևանի Տիչինայի 4-րդ նրբանցքում այրվում է տուն: Դպքի վայր է մեկնել երկու մարտական հաշվարկ: Հայտարարվել է հրդեհի «Բիս-1» բարդության աստիճան: Դեպքի վայր է մեկնել փրկարար ուժերի վարչության հատուկ հրշեջ ջոկատը, ևս մեկ մարտական հաշվարկ, փրկարար ուժերի վարչության հրդեհաշիջման կազմակերպման բաժնի օպերատիվ խումբը և օպերատիվ կառավարման վարչության ճգնաժամային կառավարման կենտրոնի օպերատիվ խումբը՝ պարամեդիկներով: Դեպքի մասին տեղյակ են պահվել ՀՀ ոստիկանության, ճանապարհային ոստիկանության աշխատակիցները, արտակարգ իրավիճակների նախարարության պետական հրդեհային տեսչության տեսուչը, «1-03», «1-04» և էլեկտրական ցանցի դիսպետչերները: Հրդեհը մեկուսացվել է 06.37-ին, մարվել՝ 08.30-ին: Այրվել է թիվ 15/1 տունն ամբողջությամբ՝ 100քմ (ներսում կուտակված աղբով):Տանը հայտնաբերվել է 1968թ. ծնված Անահիտ Ասատրյանի այրված դին: Այդ մասին ասված է ՀՀ ԱԻՆ պաշտոնական կայքում զետեղված հաղորդագրությունում: