The New York Times. Կոլումբիայի իշխանությունները հայտարարել են «FARC»–ի առաջնորդի մահվան մասին

Կոլումբիական լրատվամիջոցների հաղորդմամբ՝ Կոլումբիայի բանակի հատուկ ուժերի գործողությունների արդյունքում սպանվել է Կոլումբիայի հեղափոխական զինված ուժերի (FARC) առաջնորդ Ալֆոնսո Կանոն։

Ռազմական հատուկ գործողություններն իրականացվել են երկրի հարավ–արևմտյան մասերում գտնվող լեռներում։ Սակայն կոլուբիական իշխանությունները հրաժարվում են լրացուցիչ տեղեկություններ հայտնելուց։ Հատուկ գործողության պատասխանատուները միայն հայտնել են, որ Կանոյի անձը հաստատվել է անձը հաստատող հատուկ սարքի օգնությամբ։ Ռազմական խմբավորման առաջնորդը 63 տարեկան էր և (FARC)–ը ղեկավարում էր 2008 թվականից։