Թանկարժեք տրանսպորտային միջոցները կվճարեն լրացուցիչ հարկ

Lurer.com-ի լրագրողը մի քանի օր առաջ զրուցել էր ԱԺ պատգամավոր, Հանրապետական կուսակցության անդամ Ռաֆիկ Գրիգորյանի հետ։ Զրույցի թեման առավել թանկարժեք ավտոմեքենաների համար նախատեսված լրացուցիչ հարկերն էին, որոնց մասին Ռաֆիկ Գրիգորյանն այն ժամանակ ասել էր, որ դեռ քննարկման մեջ է և ավելի ուշ մեզ կտեղեկացնի վերջնական որոշման մասին։

Այսօր Lurer.com–ի լրագրողը կրկին զրուցեց պատգամավորի հետ՝ այդ վերջնական որոշման մասին իմանալու համար։

«Կառավարությունն ամեն տարի ներկայացնում է հարկային փաթեթ։ Ըստ 2012 թվականի փաթեթի, այն բոլոր տրանսպորտային միջոցները, որոնք արժեն ավել, քան 90 000 ԱՄՆ դոլար, ներմուծվելով Հայաստանի Հանրապետություն, ամեն լրացուցիչ ձիաուժի դիմաց պետք է վճարեն 50 հազար դրամ լրացուցիչ հարկ։ Դրա մի մասը կառաջացնի ՀՆԱ–ի աճի, իսկ մնացած մասը՝ հարկային վարչարարության հսկողությամբ»,–պարզաբանեց Ռաֆիկ Գրիգորյանը։

Գրիգորյանի կարծիքով կանխատեսումները բավականին իրատեսական են, իսկ խորհրդի որոշումը՝ տեղին։