Ասադի հրաժարականի հարցը պետք է որոշի ժողովուրդը. Քոֆի Անան
Մերձավոր Արևելք
Սիրիայի հարցով ՄԱԿ–ի և ԱՊԼ–ի հատուկ բանագնաց Քոֆի Անանը հայտարարել է, որ նախագահ Բաշար Ասադի հրաժարականի հարցը պետք է որոշի Սիրիայի ժողովուրդը։
«Ասադի հրաժարականի հարցը, իմ կարծիքով պետք է որոշի միայն Սիրիայի ժողովուրդը», – ասել է Քոֆի Անանը Մոսկվայում տեղի ունեցած մամլո ասուլիսի ընթացքում, հաղորդում է Ռիա նովոստին։
ՄԱԿ-ի Անվտանգության խորհուրդը մարտի 21-ին միաձայն ընդունել է Սիրիայի ճգանաժամի կարգավորման վերաբերյալ Անանի առաջակություններին աջակցելու որոշում՝ պահանջելով կառավարական ուժերից անհապաղ դադարեցնել բռնությունները ժողովրդի նկատմամբ, մարդասիրական օգնություն հասցնել տուժած քաղաքացիներին և մոնիտորինգի արդյունավետ համակարգ մշակել ստեղծված իրավիճակը վերահսկելու համար։ Որոշումը, ի տարբերություն բանաձևի, չունի պարտադիր կատարման ուժ, սակայն Բաշար Ասադը և ընդդիմությունն իրենց պատրաստակամությունն են հայտնել համագործակցելու ՄԱԿ–ի հատուկ բանագնացի հետ։ Այդ հայտարարությունը հավանության է արժանացել նաև ԵՄ–ի կողմից։
Անանը երկօրյա այցով ժամանել էր Մոսկվա՝ ՌԴ նախագահ Դմիտրի Մեդվեդևի և ԱԳ նախարար Սերգեյ Լավրովի հետ Սիրիայում ստեղծված իրավիճակից դուրս գալու ելքերը քննարկելու նպատակով։
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
