Ասանժը սենատոր ընտրվելու դեպքում խոստացել է պայքարել ԶԼՄ–երի ազատության համար

Wikileaks կայքի հիմնադիր Ջուլիան Ասանժը հայտարարել է, որ կդառնա ԶԼՄ–ների և խոսքի ազատության համար պայքարող առաջամարտիկներից մեկը, եթե ընտրվի Ավստարալիայի խորհրդարանի պատգամավոր։ 

Sydney Morning Herald պարբերականին տված հարցազրույցում Ասանժը հայտարարել է, որ մտադիր է դառնալ սենատոր՝ որպեսզի լուծարի իրավական սահմանափակումները և այն սանկցիաները, որոնք մարդկանց թույլ չեն տալիս ազատ հասանելիություն ունենան տեղեկատվություն ստանալու առումով։

Ավստրալիայի խորհրդարանի պատգամավոր դառնալու Ասանժի մտադրության մասին, Սենատին հայտնի է դարձել մարտի 17–ին։ Այս պահին Ասնաժը գտնվում է Մեծ Բրիտանիայում, որտեղ դատարանը պետք է որոշի նրան Շվեդիային հանձնելու հարցը։ Պատգամավոր դառնալու Ասանժի մտադրությունը լուրջ քննարկումների առիթ է դարձել, սակայն Wikileaks–ի փաստաբանները հայտնել են, որ ընտրություններին մասնակցելու ոչ մի խոչընդոտ չկա։ Բացի այդ նրանք հայտարարել են Wikileaks կուսակցություն ստեղծելու հնարավոր տարբերակի մասին։

Սակայն դեռ հայտնի չէ թե որ նահանգից ընտրություններին պետք է պայքարի Ասանժը։

Հիշեցնենք, որ Ջուլիան Ասանժը ձերբակալվել է Լոնդոնում 2010–ի դեկտեմբերի 7–ին Շվեդիայի իշխանությունների պահանջով։ Ասանժը Շվեդիայում մեղադրվում է սեռական ոտնձգություններ կատարելու համար։ Սակայն Ասանժը մերժում է իր դեմ առաջադրված մեղադրանքները, համարելով, որ դրանք քաղաքական շարժառիթներ են հետապնդում։