Բին Լադենի սպանությունից հետո Օբաման և Ռեզա Գիլանին հանդիպել են առաջին անգամ

Սեուլում հանդիպել են ԱՄՆ նախագահ Բարաք Օբաման և Պակիստանի վարչապետ Յուսուֆ Ռեզա Գիլանին։ Սա նրանց առաջին հանդիպումն է անցած տարվա մայիսին Պակիստանում ամերիկյան հատուկ ծառայության ուժերի իրականացրած գործողությունից հետո, որի հետևանքով սպանվել էր Ուսամա բին Լադենը։

Այդ միջադեպը վատթարացրեց երկու երկրների միջև եղած հարաբերությունները, որոնք մինչ այդ դաշնակիցներ էին։ Սեուլում կայացած հանդիպման ժամանակ Օբաման հույս է հայտնել, որ Իսլամաբադը կվերանայի Վաշինգտոնի հետ ունեցած հարաբերությունները՝ հաշվի առնելով ԱՄՆ շահերը սեփական անվտանգության ապահովման հետ կապված։