Գրոհայինները առևանգել են Եմենում Սաուդյան Արաբիայի փոխհյուպատոսին

Անհայտ զինյալ գրոհայիններն Եմենի հարավում գտնվող Ադեն քաղաքում առևանգել են Սաուդյան Արաբիայի փոխհյուպատոսին։ Ոստիկանությունը հայտնել է, որ Աբդուլահ Խալիդին զենքի սպառնալիքով առևանգնվել է Մանսուր թաղամասի իր բնակարանից դուրս գալու պահին, հաղորդում է Itarr-Tass–ը։

Ադեն քաղաքը գտնվում է այն արաբական երկրների հարևանությամբ, որոնք համարվում են «Ալ Կաիդա»-ի գրոհայինների հենակետերը։ Օգտվելով Եմենի անկայուն իրավիճակից ահաբեկիչներն իրենց վերահսկողության տակ են վերցրել այդ երկրի սահմանային մի քանի բնակավայրեր։

Այս տարի Եմենում օտարերկյա քաղաքացիների առևանգման մի քանի դեպքեր են արձանագրվել։ Հունվարի վերջին Սանա քաղաքում մարդասիրական կազմակերպության չորս աշխատակից էին առևանգնվել։ Հունվարի կեսերին ՄԱԿ–ի առաքելության նորվեգացի ներկայացուցիչ էր առևանգվել, իսկ դեպքից երկու շաբաթ անց ազատ էր արձակվել։ Վերջին 15 տարիներին Եմենում ավելի քան 200 օտարերկրյա քաղաքացի է առևանգվել։ Նրանց մեծ մասն ազատ է արձակվել։