«Հրապարակ».Վարդան Բոստանջյանի անունը ԲՀԿ ցուցակից ջնջել է Ռոբերտ Քոչարյանը

ԲՀԿ խմբակցության պատգամավոր Վարդան Բոստանջյանի անունը կուսակցության համամասնական ցուցակից ջնջել է անձամբ Ռոբերտ Քոչարյանը: Ըստ թերթի տեղեկությունների, Բոստանջյանը կուսակցության գրասենյակում համապատասխան դիմում է գրել, ստորագրել, նույնիսկ գույքի և եկամուտների հայտարարագիր ստորագրել:Թերը գրում է, որ այս ամենն գրում է այն պատճառով, որ սկզբնապես որոշված է եղել, որ Բոստանջյանը պետք է ընդգրկվի կուսակցության համամասնական ցուցակում: Եթե այդպիսի որոշում չլիներ, նրան ուղղակի կարող էին ասել, որ քեզ չենք ընդգրկելու ցուցակ, և իմաստ չունի զբաղվել ավելորդ թղթաբանությամբ: Բայց երբ կուսակցության նախագահ Գագիկ Ծառուկյանը համամասնական ցուցակի նախնական տարբերակը ներկայացրել է Ռոբերտ Քոչարյանի հաստատմանը, վերջինս ջնջել է Բոստանջյանի անունը:
Քոչարյանը Բոստանջյանին չի ներել փետրվարի սկզբին ասուլիսներից մեկում արված այն հայտարարության համար, ըստ որի ԲՀԿ-ն առիթ չունի չսատարելու նախագահին:

«Մենք ունենք փաստաթուղթ, իսկ մենք միշտ հարազատ ենք մեր կողմից ստորագրված փաստաթղթին»,- ասել էր Բոստանջյանը՝ նկատի ունենալով մեկ տարի առաջ ստորագրված կոալիցիոն հուշագիրը:

Իսկ պատասխանելով այն հարցին, թե ինքը հավանակա՞ն է համարում Ռոբերտ Քոչարյանի մասնակցությունը նախագահական ընտրություններին, ասել էր.«Գնացեք երկրորդ նախագահից հարցրեք»:

Ինչ վերաբերում է Վարդան Բոստանջյանին, ապա, թերթի տեղեկություններով, նա խորհրդարանական ընտրություններից հետո կհայտարարի ԲՀԿ-ից դուրս գալու իր որոշման մասին: Ինչ իմաստ ունի լինել մի կուսակցությունում, որտեղ քեզ ոչ միայն չեն գնահատում, այլև ընդհակառակը՝ պատժում են դասը վատ սերտելու համար:

Թերթը նաև հավելել էր, որ ի դեպ, մի շարք անձինք ևս պատրաստվում են տարբեր կուսակցություններից դուրս գալու մասին հայտարարություններ անել ընտրություններից հետո: Պարզապես այս փուլում չեն ուզում «աբիժնիկ» տպավորություն թողնել և պակասեցնել իրենց կուսակցությունների քվեները: