Հայաստանն ու Ադրբեջանը դեռ պատրաստ չեն ԼՂ հակամարտության լուծմանը. Մեթյու Բրայզա

ԵԱՀԿ Մինսկի խմբի ամերիկացի նախկին համանախագահ Մեթյու Բրայզան հայտարարել է, որ Հայաստանն ու Ադրբեջանը դեռ պատրաստ չեն ԼՂ հակամարտության կարգավորմանը։ Այս մասին գրում է ԱՊԱ լրատվական գործակալության վրացական բյուրոն։

«ԼՂ հակամարտությունը կլուծվի։ Դա կատարելու համար երկու երկրների նախագահների միջև ընթացող բանակցային սեղանին դրված է շրջանակային համաձայնագիր։ ՈՐպեսզի խնդիրը լուծվի անհրաժեշտ է 4, 5 կամ 6 կարևոր գործոններ։ Դա անելու համար երկու երկրների նախագահները հակամարտության լուծումը պետք է իրենք ստանձնեն՝ վստահելով միմյանց։ Դա մեծ քաղաքական ռիսկ է պարունակում, քանի որ  Հայաստանի և Ադրբեջանի հասարակությունը պատրաստ չէ հակամարտության կարգավորման շուրջ քայլեր ձեռնարկել։ Անհրաժեշտ է, որ երկու հասարակություններն էլ փոխեն իրենց մոտեցումները, կամ էլ պետք է նախագահները մեծ քաղաքական ռիսկ դրսևորեն», – ասել է Բրայզան։

Հիշեցնենք, որ Մեթյու Բրայզան ԵԱՀԿ Մինսկի խմբի ԱՄՆ–ի դեսպանի ժամկետի ավարտից հետո, ԱՄՆ–ի նախագահ Բարաք Օբաման՝ շրջանցելով Կոնգրեսի որոշումը Բրայզային մեկ տարով նշանակեց Ադրբեջանում ԱՄՆ–ի դեսպան, որի ժամմկետը ավարտվեց 2011-ի դեկտեմբերին։ 

Մեթյու Բրայզան բազմաթիվ անգամներ հանդես եկել ադրբեջանամետ ելույթներով։