Պակիստանում 8 մարդ է զոհվել

Հակակառավարական խմբավորումների զինված անդամների 2 հարձակման հետևանքով 8 մարդ է զոհվել Պակիստանի հարավ–արևմուտքում գտնվող Բելուջիստան նահանգում։

Առաջին հարձակումը տեղի է ունեցել շրջկենտրոն Կվետտեում։ Զինված գրոհայինը կրակ է բացել ավտոմեքենայի վրա, որում 6 մարդ է եղել, այդ թվում՝ 1 կին։ Բոլոր ուղևորներն էլ մահացել են։

Երկրորդ հարձակման նպատակն է եղել ոչնչացնել Մաստունգի շրջանի՝ ՄԱԿ–ի պակիստանյան առաքելության աշխատակիցներին։ Հարձակման հետևանքով առաքելության 2 աշխատակիցներ մահացու վիրավորվել են։