Սիրիական և քրդական ուժերը Հասաքեում պայքարում են ԻՊ-ի դեմ
Մերձավոր Արևելք
Սիրիայի հյուսիս-արևելքում գտնվող Հասաքեի մարզում սիրիական և քրդական ուժերն առանձին-առանձին հարձակումներ են իրականացրել «Իսլամական պետության» ահաբեկիչների դեմ:
Ինչպես հաղորդում է «Արմենպրես»-ը՝ վկայակոչելով արաբական լրատվամիջոցները, սիրիացի ակտիվիստների խոսքով, սիրիական ուժերը քրդական ինքնապաշտպանական ուժերից առանձին հարձակումներ են գործել ԻՊ-ի դեմ մարզի տարբեր շրջաններում: Նրանց հաջողվել է ազատագրել Ղամիշլի և Հասաքե քաղաքների միջև գտնվող 23 գյուղեր ԻՊ-ի դեմ մղած եռօրյա թեժ պայքարի արդյունքում:
Քրդական ինքնապաշտպանական ուժերի մամուլի քարտուղար Ռիդուր Խալիլը պարզաբանել է, որ քրդական ուժերն ԻՊ-ի դեմ կռվել են երկու ճակատով, որոնցից մեկը' Թել Թամարի շրջակայքում, մյուսը՝ Հասաքե և Ղամիշլի քաղաքների միջև գտնվող Թել Բարաք գյուղի մերձակայքում: Քրդական ուժերը կռվել են շրջանի քրիստոնյա զինյալների հետ համագործակցելով: Հասաքեի մարզը գտնվում է Իրաքի և Թուրքիայի սահմանների մերձակայքում:
Ավելի վաղ՝ փետրվարի 23-ին, ԻՊ-ն հարձակում էր գործել Հասաքեի մարզի գյուղերի վրա՝ առևանգելով ավելի քան 200 քրիստոնյա ասորիի: Ահաբկիչներն այրել են տներ, եկեղեցիներ: Գյուղացիները ստիպված լքել են իրենց բնակավայրերը՝ ապաստան գտնելով ավելի ապահով վայրերում:
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
