Մահացել է ամերիկյան հայտնի հեռուստահաղորդավար Էնդի Ռունին

Ինչպես հաղորդում են ամերիկյան լրատվամիջոցները մահացել է ամերիկյան հայտնի CBS News–ի «60 Minutes» հեռուստահաղորդաշարի մեկնաբան Էնդի Ռունին։

Ռունին մահացել է Նյու–Յորքի հիվանդանոցներից մեկում, հետվիրահատական բարդությունների պատճառով՝ 92 տարեկան հասակում: 

«Այսօր շատ տխուր օր է «60 Minutes»–ի ստուդիայում», - հեռուստատեսությամբ հայտնել է Ջեֆ Ֆոգերը։ 

Ռունի աշխատել է որպես մեկնաբան ու հրապարակախոս ավելի քան 60 տարի, որից 30 տարին՝ որպես հրապարակախոս և պրոդյուսեր։ Ինչպես նաև հեղինակ է  ժամանցային, զվարճալի ծրագրերի։ Հեռուստատեսային «60 Minutes» հաղորդաշարը հեռարձակվում է 1968 թվականից։