Օբամային մեղադրում են Իրանի վրա հարձակումը կանխելու մեջ
ԱՄՆ
ՄԱԿ–ում ԱՄՆ նախկին մշտական ներկայացուցիչ Ջոն Բոլթոնը նախագահ Բարաք Օբամայի վարչակազմին մեղադրել է Իսրայելի ռազմական ծրագրերի վերաբերյալ կանխամտածված տեղեկատվական արտահոսք տալու համար, որպեսզի կանխի Իսրայելի կողմից Իրանի դեմ ռազմական գործողություններ սկսելու ծրագիրը։ Այս հայտարարությունը Բոլթոնն արել է Fox News–ին տված հարցազրույցում։
Խոսքը վերաբերում է Foreign Policy ամսագրում հրապարակված հոդվածին, որտեղ ամսագրի` ԱՄՆ–ի դիվանագիտական, ռազմական և հետախուզական անանուն աղբյուրները հայտնել են, որ Իսրայելը ադրբեջանական օդային տարածքը և թռիչքուղիներն օգտագործելու թույլտվություն է ստացել, որոնք տեսականորեն կարող են օգտագործվել Իրանի դեմ ռազմական գործողություններ սկսելու նպատակով։
Ըստ Բոլթոնի` տեղեկատվական արտահոսքի հրապարակումը Սպիտակ տան ղեկավարի` Իրանի դեմ Իսրայելի հարձակումը կանխելու գործողությունների մի մասն է կազմում։ Սակայն Բոլթոնը խոստովանել է, իր հայտարարության մասին անհերքելի ապացույցներ չի կարող ներկայացնել։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
