Բահրեյնում անազատության մեջ գտնվող ակտիվիստը մահամերձ է. Amnesty International

Amnesty International միջազգային կազմակերպությունը կոչ է արել Բահրեյնին ինչքան հնարավոր է շուտ ազատ արձակել անազատության մեջ գտնվող իրավապաշտպանին, որը 50 օր առաջ հացադուլ էր հայտարարել։

Ակտիվիստների հաղորդմամբ՝ Աբդուլհադի Խավաջան հնարավոր է կյանքի և մահվան սահմանագծին է՝ ֆիզիկապես հյուծված լինելու պատճառով։ Ավելի վաղ Խավաջան դատապարտվել էր ցմահ ազատազրկման՝ «զանգվածային անկարգությունների կազմակերպման» համար։

Նշենք, որ 2011 թվականի մարտի 14-ին Բահրեյնի թագավոր Համադ բին Իսա ալ–Խալիֆան երկրում արտակարգ դրություն էր հայտարարել և արգելել բողոքի ակցիաների անցկացումը, ինչից հետո մի քանի ցուցարար էր ձերբակալվել։