Բրազիլիայի ոստիկանությունը ձերբակալել է 77 թմրավաճառների

Այսօր՝ մարտի 30-ին, Բրազիլիայում ոստիկանությունը 77 մարդ է ձերբակալել և առգրավել մեծ քանակությամբ զենք–զինամթերք՝ թմրանյութերի առուվաճառքով զբաղվող հանցագործների դեմ պայքարի շրջանակներում իրականացրած հատուկ գործողության արդյունքում։

Ռիու–Գրանդի–դու–Սուլ նահանգում այսօր առավոտյան իրականացրած գործողությանը մասնակցել է շուրջ 600 ոստիկան։

Ոստիկանության աշխատակիցներն առգրավվել են մեծ չափերի գումար, տրանսպորտային միջոցներ, կոկաին և մարիխուանա։ Հատուկ գործողությունն անցկացվել է Սան–Բորժա քաղաքում՝ արգենտինական սահմանի հարևանությամբ։