Նոյեմբերի 4-ից Հայաստանում մեկնարկել է Եգիտոսի մշակութային օրերը

Հայաստան-Եգիպտոս մշակութային  համագործակցության, ինչպես նաև պետությունների կողմից ստորագրված միջկառավարական համաձայնագրի և միջգերատեսչական ծրագրերի շրջանակներում Հայաստանում անցկացվում են Եգիպտոսի մշակույթի օրեր:

Այդ առթիվ Հայաստան է ժամանել եգիպտական պատվիրակությունը `թվով 46 մասնակից,  ԵԱՀ մշակույթի նախարարի առաջին տեղակալ Հուսամ Սաադ Զաղլուլ Նասսարի գլխավորությամբ:

Հայաստանում Եգիպտոսի մշակույթի օրերի շրջանակներում կստորագրվի <<ՀՀ մշակույթի նախարարության և ԵԱՀ մշակույթի նախարարության միջև 2011-2013 թթ. մշակութային համագործակցության մասին>> գործնական ծրագիր:

Նախատեսվում է նաև ցուցահանդեսային ծրագիր: Հայաստանի ազգային պատկերասրահում նոյեմբերի 5-10 կբացվեն եգիպտական արվեստի, եգիպտահայ մեծանուն երգիծանկարիչ Ալեքսանդր Սարուխանի աշխատանքների ցուցահանդեսները, կանցկացվեն Կահիրեի օպերայի և բալետի թատրոնի ներկայացումներ` Ալ. Սպենդիարյանի անվան օպերայի և բալետի ազգային ակադեմիական թատրոնում` նոյեմբերի 7-ին, ժամը` 19:00 : Կներկայացվեն Կահիրեի օպերայի և բալետի ընկերության <<Անկախ ամեն ինչից>> և <<Եգիպտական գիշերներ>> մեկ գործողությամբ երկու բալետները,նոյեմբերի 7-10
կանցկացվի վարպետության դասեր մանուկների համար` Խնկո - Ապոր անվան մանկական ազգային գրադարանում : Մանուկներն  կներկայացվեն <<Կայան>> խամաճիկների թատրոնի, ստվերների թատրոնի և օրիգամիի արվեստները, նրանց հետ կանցկացվեն պարապմունքներ: Երեխաների մասնակցությամբնոյեմբերի 9-ին, ժամը` 14:00 կբեմադրվի ներկայացում և կցուցադրվի Հովհ. Թումանյանի անվան պետական տիկնիկային թատրոնում , նոյեմբերի 8-ին, ժամը` 19:00 մնջախաղի ներկայացումՀովհ. Թումանյանի անվան պետական տիկնիկային թատրոնում ներկայացումով հանդես կգա աշխարհի 20 լավագույն մնջախաղի վարպետներից մեկը համարվող Ահմեդ Նաբիլը, կկայանա ֆիլմերի ցուցադրություններ <<Նաիրի>> կինոթատրոնում, նոյեմբերի 7-10-ը կցուցադրվեն <<Էլ մոուլեդ>> (բացման ֆիլմ` ժամը 15:30), <<Ճակատագիր>>, <<Մեկնման ուրբաթ>>, <<Բարձրախոս>>, <<Մումիա>> եգիպտական հինգ ֆիլմերը: Եգիպտոսի հայտնի հայազգի դերասանուհի Լիզ Սարգսյանը հանդիպումներ կունենա Երևանի կինոյի և թատրոնի պետական ինստիտուտի և Երևանի պետական համալսարանի ուսանողների հետ: Կհանդիպի նաև <<Ոսկե Ծիրան>> միջազգային կինոփառատոնի կազմակերպիչների հետ:

Երկկողմ պայմանավորվածության համաձայն` Եգիպտոսի մշակույթի օրերի ընթացքում Հայաստանի գրողների միությունում նոյեմբերի 5-ին, ժամը`11:00 տեղի կունենա նաև ԵԱՀ մշակույթի նախարարի խորհրդական, արտաքին հարաբերությունների գործակալության ղեկավար, բանաստեղծ Հուսամ Նասսարի բանաստեղծությունների <<Մոլորված` փնտրում եմ երկիր>> խորագրով ժամանակակից պոեզիայի ժողովածուի հայերեն թարգմանության շնորհանդեսը (արաբերենից տողացի թարգմանությունը` Հովհաննես Ասատրյանի, բանաստեղծության վերածումը`Հովիկ Հովեյանի):

Եգիպտական պաշտոնական պատվիրակությունը մշակույթի օրերի շրջանակներում կունենա նաև մի շարք պաշտոնական հանդիպումներ հանրապետության պետական պաշտոնյաների հետ: