ԱՄՆ-ը Պարսից ծոցի տարածաշրջանը Իրանից պաշտպանելու առաջարկ է արել

ԱՄՆ պետքարտուղար Հիլարի Քլինթոնը, ելույթ ունենալով Էր–Ռիադում ԱՄՆ–ի և Պարսից ծոցի երկրների համագործակցության խորհրդի նախարարների մակարդակով համաժողովում, առաջարկել է ստեղծել հակահրթիռային պաշտպանության համակարգեր այդ տարածաշրջանում Իրանի բալիստիկ հրթիռներից պաշտպանվելու համար, հաղորդում է Reuters–ը։

«ԱՄՆ պատրաստ է կիրառել գործնական և հստակ քայլեր մեր ընդհանուր անվտանգությունն ապահովելու համար, այդ թվում՝ պատրաստ է զարգացնել համագործակցությունը ծովային անվտանգության և հակահրթիռային պաշտպանության ոլորտներում, ինչպես նաև ճգնաժամային իրավիճակներում դրանք համակարգելու հարցերում», – ասել է Քլինթոնը։