Զեմֆիրան համերգով հանդես կգա նաև Երևանում

Լուրեր.com-ի աղբյուրները հայտնում են, որ իշխող Հանրապետական կուսակցությունը որոշել է նախընտրական այս ժամանակահատվածում Հայաստան հրավիրել հանրահայտ երգչուհի Զեմֆիրային, որը համերգով հանդես կգա Երևանում: 

Զեմֆիրան, ի դեպ, երեկ համերգով հանդես է եկել Թբիլիսիի Տրիումֆ ակումբում: Սա երգչուհու երրորդ համերգն է Վրաստանում, այնինչ Հայաստանում Զեմֆիրան մինչ օրս համերգով հանդես չի եկել: 

Մեր աղբյուրները փոխանցում են, որ քանի որ Զեմֆիրային Հայաստան հրավիրելը Հանրապետական կուսակցության նախընտրական քարոզչության տրամաբանության շրջանակներում է, համերգի տոմսերի գները շատ բարձր չեն լինելու: 

Երեկ Թբիլիսիում կայացած համերգի տոմսերի գինը տատանվել է 37-125 ԱՄՆ դոլարի սահմաններում: 

Համերգի կազմակերպիչներն, ըստ մեր ունեցած տեղեկությունների, Զեմֆիրայի երևանյան համերգի մասին կհայտարարեն առաջիկայում: