Twitter միկրոբլոգում հնարավոր է մտքի ուժով հաղորդագրություններ զետեղել. գիտնականներ

Բրիտանացի գիտնականները հեղափոխական հայտնագործություն են արել. սարքավորումը, որը նրանք շուտով կներկայացնեն, կշրջի տեղեկատվության փոխանցման մասին ժամանակակից պատկերացումները: 

Գիտնականները նեյրովիրաբույժների հետ համատեղ մի սարք են հայտնագործել, որը հնարավորություն է տալիս Twitter  միկրոբլոգի օգտատերերին կարճ հաղորդագրություններ զետեղել՝ մտքի ուժով: 

Օգտատերերի միջև տելեպատիկ շփման հնարավորությունն իրականություն կդառնա հանճարեղ գիտնականի գյուտի շնորհիվ, որը Պարսից ծոցի ռազմական հակամարտության տարիներին աշխատել է ԱՄՆ-ի զինված ուժերի գաղտնի ստորաբաժանումում: 

Նրա ստեղծած սարքն ու ծրագիրը հնարավորություն է ընձեռում կոդավորել և ապակոդավորել գաղտնի հաղորդագրությունները: 

Ապագայում մտքի ուժով հաղորդագրությունների փոխանցումն ապահովող սարքը կկատարելագործվի, և մարդիկ կկարողանան մինչև 2 մեգաբայթ ծավալով տելեպատիկ էլեկտրոնային նամակներ ուղարկել, հաղորդում է Росбалт-ը: