Էրդողանը ողջ աշխարհին մեղադրել է սիրիացիներին օգնել չկարողանալու մեջ

Թուրքիայի վարչապետ Ռեջեպ Թայիպ Էրդողանը Ստամբուլում տեղի ունեցած «Սիրիայի ընկերների» միջազգային համաժողովի ժամանակ հայտարարել է, որ համաշխարհային հանրությունը ի վիճակի չէ պաշտպանել սիրիացի ժողովրդին։

Նա պահանջել է անմիջապես կատարել, ինչպես որ ինքն է արտահայտվել, «սիրիացիների օրինական պահանջները»։

Նշենք, որ ավելի վաղ ընդդիմադիր Սիրիական ազգային խորհրդի առաջնորդ Բուրհան Գալուինը միջազգային հանրությանը կոչ է արել իրենց ճանաչել իբրև սիրիացի ժողովրդի միակ օրինական ներկայացուցիչ։ Սակայն, որոշ ԶԼՄ–ների հաղորդմամբ, կասկածներ կան, որ նույնիսկ խորհրդի ներսում չկա միասնություն։