Քլինթոնը և Բայդենը քննադատել են ռուս–ամերիկյան հարաբերությունների հետ կապված Ռոմնիի հայտարարությունը

ԱՄՆ պետքարտուղար Հիլարի Քլինթոնը քննադատել է ռուս–ամերիկյան հարաբերությունների հետ կապված ԱՄՆ նախագահի հանրապետական թեկնածու Միթ Ռոմնիի դիրքորոշումը։

Հիշեցնենք, որ մարտի 26-ին Բարաք Օբամայի հիմնական մրցակից հանրապետական թեկնածու Միթ Ռոմնին Ռուսաստանին համարել էր ԱՄՆ–ի աշխարհաքաղաքական թիվ մեկ թշնամին։

«Կարծում եմ անցյալի վերաբերյալ դատողություններ անելը հնացած մոտեցում է։ Դրա հեը մեկտեղ պետք է իրատեսական և սթափ գնահատենք այն, թե մենք ինչ հարցերում ենք համաձայն Ռուսաստանի հետ, և որ հարցերում ոչ», - ասել է Քլինթոնը CNN-ին տված հարցազրույցում։

ԱՄՆ փոխնախագահ Ջոզեֆ Բայդենը Ռոմնիին հայտարարությանը վերաբերյալ ավելի կոշտ արձագանք է տվել։ Նա կասկածի տակ է դրել նախագահի թեկնածուի արտաքին քաղաքական հարցերի մասին խորը իրազեկվածությունը։

«Նա իրեն այնպես է պահում, կարծես թե «սառը պատերազմը դեռ շարունակվում է», – ասել է Բայդենը։

Հիշեցնենք, որ Սպիտակ տունն ավելի վաղ Ռոմնիի հայտարարությունը Ռուսաստանի վերաբերյալ «ոչ ճիշտ» էր համարել։ Սպիտակ տան խոսնակ Ջեյ Կարնեյը, ասել էր, որ Ռուսաստանը ԱՄՆ–ի գլխավոր թշնամի լինելը չի համապատասխանում վերջին տարիներին ռուս–ամերիկյան հարաբերությունների զարգացմանը։

Ռուսաստանի նախագահ Դմիտրի Մեդվեդևը հայտարարել էր, որ Ռոմնիի հայտարարությւոնից «Հոլիվուդյան ժամանակներն է հիշեցնում», և նախագահի թեկնածուին «գլխով մտածելու» խորհուրդ է տվել՝ հիշեցնելով, որ «սառը պատերազմը» անցյալում է։