Թուրքիան աջակցում է սիրիացի ապստամբներին

Լիբիայում ապստամբներին մարզում էին թուրք զինվորականները, դա արդեն հայտնի փաստ է - լրագրողների հետ հանդիպման ժամանակ ասաց ԳԱԱ Արևելագիտության ինստիտուտի գիտաշխատող,  թուրքագետ Լևոն Հովսեփյանը:

Սիրիայում քաղաքական իրավիճակի բարդացման դեպքում Թուրքիան Սիրիայի հետ սահմանի ողջ երկայնքով զորքեր կկենտրոնացնի, ինչի հետևանքով միջադեպեր կլինեն կամ կստեղծվեն, ինչն էլ կհանգեցնի պատերազմի: Թուրքիան կօգտագործի նաև Սիրիայում առկա քրդական գործոնը, որպես ռազմական գործողություններ սկսելու պատճառ:

Դավութողլուն հայտարարել էր, որ անհրաժեշտության դեպքում իրենք պատերազմ կսկսեն Սիրիայի դեմ:

–Սիրիայում ապստամբները զինվում են, հստակ է արտաքին ուժերի ներգործությունը,- ասաց արաբագետ Արաքս Փաշայանը:

Ինչպես Լիբիայում, այնպես էլ Սիրիայում, Թուրքիան աջակցում է ապստամբներին, նույնիսկ ԶԼՄ-ներով տեղեկատվություն էր տարածվել, որ Թուրքիան է սիրիացի ապստամբներին զենք է մատակարարում:

Սակայն Թուրքիայի քաղաքականությունը հանդիպում է դիմադրության, օրինակ Իրանի կողմից, որն աջակցում է Սիրիային: