Թայլանդում ջրհեղեղի հետևանքով զոհվել է 500 մարդ

Թայլանդում ջրհեղեղի պատճառով զոհվածների թիվը հասնում է 500-ի: Թայլանդի իշխանությունները պայքարում է վերջին 50 տարիների ընթացքում ամենաուժեղ սեզոնային ջրհեղեղի հետևանքների վերացման համար, որը դեռ այս տարվա հուլիսից կաթվածահար է արել երկրի հյուսիսային և կենտրոնական շրջանները:

Ջրի հոսքը, որի արդյունքում տուժել է ավելի քան երեք միլիոն մարդ, այնքան մեծ է, որ դրա մի մասը արդեն ջրի տակ է վերցրել մայրաքաղաք Բանգկոկի հյուսիասային եւ արևելյան շրջանները: Ներկայումս քաղաքային իշխանություններին հանձնարարվել է մարդկանց տարհանել 8 շրջաններից , իսկ մյուս յոթ շրջանները մասամբ ջրասույզ են եղել: