Սփյուռքի հետ համագործակցության եզրեր դեռևս չկան. ՄԻՊ

Մարդու իրավունքների պաշտպան Կարեն Անդրեասյանն այսօր ընդունեց դասախոսների և ուսանողների՝ ԱՄՆ տարբեր բուհերից:
Հանդիպման սկզբում Պաշտպանը ծանոթացրեց Մարդու իրավունքների պաշտպանի ինստիտուտի հետ, ներկայացրեց Պաշտպանի՝ խնդիրներ լուծելու իրավասությունների ու լիազորությունների շրջանակը:

Հարց հնչեց, թե ինչպիսի հարաբերությունների մեջ է Մարդու իրավունքների պաշտպանի կառույցը սփյուռքի հետ: Ի պատասխան, Պաշտպանը նշեց, որ սփյուռքի հետ համագործակցության եզրեր դեռևս չկան, միաժամանակ հավելեց, որ ակնկալում է մարդու իրավունքների ոլորտում իրավական ակտերի և օրենսդրության մշակման գործում սփյուռքահայության մտավոր և մասնագիտական աջակցությունը, Մարդու իրավունքների ոլորտում տարբեր ծրագրերի շուրջ համագործակցությունը, և վերջում նշեց, որ շատ ցանկալի է Մարդու իրավունքների պաշտպանի՝ Հայաստանում արված հայտարարությունները քաղաքական աջակցություն ստանան սփյուռքում:

Կառույցի արդյունավետ աշխատանքի համատեքստում Պաշտպանը խոսեց նաև 116 թեժ գծի, արագ արձագանքնման խմբի մասին:

Հնչեցին բազմաթիվ այլ հարցեր, որոնք հիմնականում ուղղված էին գալիք ընտրություններին, հասարակության մեջ Պաշտպանի ունեցած դերի մասին՝ որպես միջնորդ, որպես դիտորդ և որպես պաշտպան: Հանդիպման ընթացքում Պաշտպանը տեղեկացրեց նաև, որ հաջորդ շաբաթ մարզերում բացվելու են մարզային գրասենյակները:

Հանդիպման վերջում Պաշտպանը ներկաների հետ փոխանակվեց այցեքարտերով՝ ակնկալելով նրանց հետ հետագա համագործակցություն: