Փոխհրաձգություն Ստամբուլում. 2 զոհ, 5 վիրավոր
Թուրքիա
Ստամբուլի Գյուլթեփեի շրջանի Աքչիլ փողոցում գտնվող մարդասիրական օգնություն ցուցաբերող միություն եկած մի քանի անհայտ անձանց և գրասենյակի աշխատակիցների միջև երեկ երեկոյան ծագած զինված բախման հետևանքով 2 մարդ զոհվել, 5 մարդ էլ վիրավորվել է:
Այս մասին, ինչպես հաղորդում է «Արմենպրես»-ը, հայտնում է թուրքական «Միլիեթ» թերթը:
Ականատեսների խոսքով' անհայտ անձինք մոտեցել են օգնության գրասենյակին և սկսել կրակել: Ներսում գտնվող աշխատակիցները պատասխան կրակ են բացել: Արդյունքում 7 մարդ վիրավորվել է: Նրանցից երկուսը հիվանդանոց տարվելու ճանապարհին մահացել են:
Միջադեպի հետ կապված ոստիկանությունը քննություն է սկսել: Նախնական տվյալներով՝ երկու խմբի միջև թշնամություն է եղել: Քննության շրջանակում 24 մարդ բերման է ենթարկվել: Նրանց մեծ մասի մոտ զենք է հայտնաբերվել:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
