Մեր խնդիրն է շփումներ հաստատել հասարակ մարդկանց մակարդակով. Շտեֆան Ֆյուլեն

ԵՄ-ն շարունակում է ԼՂ հակամարտության կողմերի հետ քննարկումները վստահության միջոցների ամրապնդմանն ուղղված առաջարկությունների նոր փաթեթի շուրջ։
Այս մասին, պատասխանելով լրագրողների հարցերին, նախօրեին կայացած ճեպազրույցում ասել է ԵՄ-ի ընդլայնման և եվրոպական հարևանության քաղաքականության հարցերով հանձնակատար Շտեֆան Ֆյուլեն։

«Կարող եմ ասել, որ մենք բավականին մեծ փորձ ունենք նման հարցերում։ Մեր խնդիրն է՝ շփումներ հաստատել հասարակ մարդկանց մակարդակով», - հայտարարել է Ֆյուլեն։

Հիշեցնենք, որ Եվրամիությունը հայտարարել է ԼՂ հարցում առավել ակտիվորեն ներգրավվելու և Ադրբեջանի ու Հայաստանի միջև վստահության միջոցների կառուցման իր ցանկության մասին։