Բժիշկները հայտնում են Չավեսի մոտ առողջական նոր բարդությունների առաջացման մասին

Վենեսուելայի նախագահ Ուգո Չավեսի մոտ, որը վերջին շրջանում Հավանայի բարձրակարգ կլինիկաներից մեկում հերթական ճառագայթային թերապիայի կուրսեր էր ընդունել, բժիշկների հաղորդմամբ,  աղիների նոր բարդություններ են առաջացել։ Այս մասին Twitter–ի իր էջում գրել է վենեսուելացի բժիշկ Խոսե Ռաֆաել Մարկինը, որը համարվում է Չավեսին բուժող բժիշկների խմբին մոտ կանգնած աղբյուր։

«Ապրիլի 2–ին նա առաջին ճառագայթային թերապիան է ընդունել, սակայն այսօր ճառագայթային թերապիա չի ընդունել աղիների շրջանում առաջացած բարդությունների պատճառով», - Twitter–ի իր էջում գրել է Մարկինը։ 

Հիշեցնենք, որ վենեսուելացի բժիշկը օրեր առաջ հայտարարել էր, որ Չավեսին ապրելու շատ քիչ ժամանակ է մնացել։ Մարկինը հայտարարել էր, որ կախված նրա հիվանդության զարգացման ատիճանից՝ Չավեսը կարող է ապրել լավագույն դեպքում մինչև 2013-ի ապրիլը։